Кніга «Гимназія на дому. Выпускъ 3-й»

Падручнік для сярэдніх навучальных устаноў часоў Расійскай Імперыі. Прадмет прамавугольны, вертыкальнага фармату. Кніга складаецца з лістоў паперы і вокладкі. Вокладка цвёрдая. Верхняя крышка вокладкі зробленая з тоўстага кардона, пакрытая паперай, у верхняй частцы маецца малюнак з выявай філіна, які сядзіць на кнігах, ніжэй пазначана назва кнігі «Гімназія на дому», прызначэнне «средне-учебное заведеніе заочно», выпуск «3-й», выдавецтва «Издательское товарищество «Благо» і яго адрас «Петроградъ, Николаевская ул., 44». Малюнак і надпісы зробленыя чорным колерам. Карашок прамы, цвёрды, цёмна-карычневага колеру, на ім з дапамогай тэхнікі ціснення пазначана назва кнігі і выпуск. Фарзац пусты. Тытульны ліст чорна-белы, цалкам дубліруе змест верхняй крышкі вокладкі. На адваротным баку тытульнага ліста размешчаны зварот таварыства «Благо» да падпісчыкаў і змест кнігі. Кніжны блок складаецца з 17 сшыткаў. Пагінацыя размешчана ў верхняй частцы старонкі пасярэдзіне, колер друку чорны, мова руская (да рэформы 1918 года)