Дзяржаўны
каталог Музейнага фонду
Рэспублікі Беларусь

Навіны музейнага жыцця



01.10.2012 |  Выстава аднаго дня. 1 кастрычніка - Міжнародны дзень музыкі
  Цэнтр Дзяржаўнага каталога Музейнага фонду Рэспублікі Беларусь распачынае цыкл "Выстава аднаго дня", аб'яднаны тэмай "Памятныя і святочныя дні".

 
Міжнародны дзень музыкі, які быў заснаваны па ініцыятыве Міжнароднага музычнага савета пры ЮНЕСКА, штогод адзначаецца ва ўсім свеце 1 кастрычніка.
  Рашэнне аб яго правядзенні было прынята на 15-й Генеральнай асамблеі Міжнароднага музычнага савета, якая прайшла ў Лазане ў 1973 г. Упершыню ён быў адсвяткаваны ў 1975 г. 

19.09.2012 |  Пасяджэнне экспертнага савета
12 верасня 2012 года адбылося пасяджэнне экспернага савета па пытаннях аднясення музейных прадметаў да асабліва каштоўных. Далей... 

01.08.2012 |  Віртуальная выстава "Першая сусветная. На ўсход ад лініі фронта"
  1 жніўня 1914 года па новым стылі пачалася Першая сусветная вайна ці як яе называлі тады – Вялікая вайна. Па сваіх маштабах і выніках яна сапраўды была вялікай – за 4 гады і 4 месяцы пакуль яна цягнулася, у ёй удзельнічалі 38 краін, ваенныя дзеянні ахапілі тэрыторыю Еўропы, Азіі і Афрыкі, вяліся на ўсіх акіянах і многіх марах. У выніку вайны перасталі існаваць чатыры імперыі: Расійская, Аўстра-Венгерская, Асманская і Германская. Краіны-удзельніцы згубілі каля 10 мільёнаў чалавек забітымі, каля 20 мільёнаў былі знявечаны.
   Цэнтр Дзяржаўнага каталога Музейнага фонду Рэспублікі Беларусь прадстаўляе віртуальную выставу "Першая сусветная. На ўсход ад лініі фронта", на якой можна пазнаёміцца з фотаздымкамі і дакументамі, якія тычацца непасрэдна падзей і з'яў ваеннага часу на Беларусі.
   На выставе прадстаўлены прадметы з Гродзенскага дзяржаўнага гісторыка-археалагічнага музея, Смаргонскага гісторыка-краязнаўчага музея, Магілёўскага абласнога краязнаўчага музея імя Е.Р.Раманава, Мінскага абласнога краязнаўчага музея, Мемарыяльнага комплекса "Брэсцкая крэпасць-герой", Брэсцкага абласнога краязнаўчага музея, Беларускага дзяржаўнага музея гісторыі Вялікай Айчыннай вайны, Баранавіцкага краязнаўчага музея.

           Перайсці да выставы                                                  Перайсці да артыкула

09.04.2012 |  Віртуальная выстава "Велікодны падарунак"
   Вялікдзень, Вялікадне, Вялічка – веснавое свята старажытных славян у гонар сонца, абуджэння прыроды і надыходу “вялікіх дзён” палявых работ. Пазней царква прымеркавала да яго галоўнае хрысціянскае свята Уваскрэсення Ісуса Хрыста. У залежнасці ад месячнага календара прыпадае на час ад 4 красавіка да 8 мая.

   Адзначалі свята ўрачыста, пасля заканчэння доўгага посту. Галоўныя прыкметы і асаблівасць Вялікадня ў беларусаў – фарбаванне яек-“пісанак”, гульня ў біткі, хаджэнне валачобнікаў і спяванне валачобных песень.

   Цэнтр Дзяржаўнага каталога Музейнага фонду Рэспублікі Беларусь віншуе ўсіх наведвальнікаў свайго сайта са святам Вялікадня і дорыць віртуальную выставу ”Велікодны падарунак”, на якой размешчаны прадметы з Нацыянальнага гістарычнага музея Рэспублікі Беларусь, Гродзенскага дзяржаўнага гісторыка-археалагічнага музея, Гродзенскага дзяржаўнага музея гісторыі рэлігіі, Літаратурнага музея М.Багдановіча, Дзяржаўнага літаратурнага музея Янкі Купалы, Магілёўскага абласнога краязнаўчага музея імя Е. Р. Раманава, Уздзенскага раённага гісторыка-краязнаўчага музея.
    Велікодны падарунак. Яйкі і формы для пасхі                     Перайсці да артыкула

    Велікодны падарунак. Паштоўкі

20.03.2012 |  Апісанне фотадакументаў
З'явіліся ўдакладненні ў тэрміналогіі для апісання фотадакументаў. Далей

13.03.2012 |  Матэрыялы для апісання калекцый натуральна-гістарычных крыніц
Паважаныя калегі!
У слоўнікі дададзены матэрыялы, патрэбныя для апісання калекцый натуральна-гістарычных крыніц. Далей...

21.12.2011 |  Віншуем з Калядамі і Новым Годам!
 

19.12.2011 |  Віртуальная выстава "Зімовыя паштоўкі з мінулых стагоддзяў"
Напярэдадні Новага Года ў розныя бакі разлятаюцца паштоўкі – вясёлыя і забаўныя, сучасныя і рэтра, маляваныя і друкаваныя, і, нават, аніміраваныя. Цэнтр Дзяржаўнага каталога Музейнага фонду Рэспублікі Беларусь таксама вырашыў даслаць усім наведнікам сайта паштоўкі праз віртуальную выставу “Зімовыя паштоўкі з мінулых стагоддзяў”, якая стала магчымай, дзякуючы актыўнаму супрацоўніцтву з Дзяржаўным каталогам трох музеяў – Гродзенскага гісторыка-археалагічнага музея, Нацыянальнага гістарычнага музея Рэспублікі Беларусь і Літаратурнага музея Максіма Багдановіча.
          Перайсці да выставы                                  Прачытаць пра паштоўкі

15.11.2011 |  Палажэнне аб Музейным фондзе Рэспублікі Беларусь (рэдакцыя 2011 г.)
     У кастрычніку 2011 года была прынята новая рэдакцыя Палажэння аб Музейным фондзе Рэспублікі Беларусь. Пазнаёміцца з тэкстам Палажэння

02.11.2011 |  2-га лістапада ўнесены змены ў раздзел сайта "Метадычныя матэрыялы"
Звяртаем увагу музейшчыкаў, якія супрацоўнічаюць з Дзяржаўным каталогам Музейнага фонду Рэспублікі Беларусь, што абноўлены Патрабаванні Дзяржаўнага каталога Музейнага фонду Рэспублікі Беларусь да запаўнення палёў апісання музейнага прадмета

...  6  7  8 




© "Міністэрства культуры Рэспублікі Беларусь", 2009-2013
© Распрацоўшчык ТAA "НВФ "IНЕАК", 2009