Дзяржаўны
каталог Музейнага фонду
Рэспублікі Беларусь
Навіны музейнага жыцця  /  Музейныя вандроўкі. Жодзінскі краязнаўчы музей

Музейныя вандроўкі. Жодзінскі краязнаўчы музей


    У пяцідзесяці кіламетрах ад Мінска на паўночны ўсход змясціўся горад, які звычайна асацыіруецца са шматтоннымі кар’ернымі самазваламі-гігантамі. Гэта невыпадкова, бо дзякуючы менавіта Беларускаму аўтамабільнаму заводу невялічкая вёска заснаваная Багуславам Радзівілам яшчэ ў 1643 годзе як Багуслаў Поле (з 1781 г. - Жодзін) стала горадам.
    Сучаснае Жодзіна не толькі прамысловы горад. Тут маюцца свае адукацыйныя, навуковыя і культурныя цэнтры, адным з якіх з’яўляецца Жодзінскі краязнаўчы музей. Фарміраванне музея пачалося крыху больш за 10 гадоў таму ў 1999 годзе, калі пачала працаваць рабочая група, а ў 2008 г. яго стварэнне было аформлена афіцыйна. 
    Сёння музей толькі рыхтуецца прыняць наведвальнікаў, яшчэ вядзецца рамонт будынка, распрацоўваецца экспазіцыя, але ўжо прыцягвае да сябе ўвагу часовымі і выязднымі выставамі, культурнымі і навуковымі мерапрыемствамі (вечары, канферэнцыі, семінары), выданнямі, прысвечанымі гораду і яго выдатным жыхарам, лекцыямі па гісторыі горада і экскурсіямі. Пэўную цікавасць прадстаўляе філіял музея – Дом-музей Настассі Фамінічны Купрыянавай – маці, што выправіла на вайну пяць сыноў, ніводны з якіх не вярнуйся. 

На віртуальнай выставе прадстаўлены некаторыя з найбольш цікавых прадметаў са збора музея:

Евангеліе канца XIX стагоддзя, якое было перададзена ў музей свяшчэннікам Жодінскай царквы Архангела Міхаіла

Блузка, спадніца і фартух са святочнага строя палескай сялянкі Праскоўі Баган, а таксама боты, пашытыя мясцовым майстрам для той жа сям’і

Галаграма “Скарбы Беларусі”, падораная заслужаным навукоўцам ў галіне галаграфіі і біямедыцынскай оптыкі Таніным Леанідам Віктаравічам


31.03.2013




© "Міністэрства культуры Рэспублікі Беларусь", 2009-2013
© Распрацоўшчык ТAA "НВФ "IНЕАК", 2009