Дзяржаўны
каталог Музейнага фонду
Рэспублікі Беларусь
Навіны музейнага жыцця  /  Выстава аднаго дня. Сусветны дзень метралогіі

Выстава аднаго дня. Сусветны дзень метралогіі


Вымярэнні ў паўсядзённым жыцці
 
       20 мая штогод, пачынаючы з 1999 года, адзначаецца Сусветны дзень метралогіі. Дата гэтая невыпадковая – 20 мая 1875 года на дыпламатычнай канферэнцыі ў Парыжы прадстаўнікі 17 дзяржаў паставілі свае подпісы пад Метрычнай канвенцыяй – першым міжурадавым пагадненнем аб навукова-тэхнічным супрацоўніцтве, якое служыць для забеспячэння адзінства метралагічных стандартаў у розных краінах. У адпаведнасці з канвенцыяй было заснавана Міжнароднае бюро мер і вагаў, дзе захоўваюцца міжнародныя эталоны розных адзінак вымярэння, параўноўваюцца нацыянальныя эталоны, ўдасканальваюцца методыкі правядзення вымярэнняў, распрацоўваюцца міжнародныя стандарты.
      У Беларусі гісторыя метралагічнай службы вядзе адлік з 29 лютага 1924 г., калі была заснавана Беларуская Палата мер і вагаў. З тых часоў яна развілася ў разгалінаваную і тэхнічна абсталяваную сетку, якая ўключае абласныя і рэгіянальныя цэнтры стандартызацыі і метралогіі, а таксама сетку ведамасных метралагічных службаў. Галаўным навукова-даследчым цэнтрам службы з\'яўляецца Беларускі дзяржаўны інстытут метралогіі.

     На віртуальнай выставе прадстаўлены вымяральныя прыборы і інструменты, якія выкарыстоўваліся ў асноўным у паўсядзённым жыцці.

    Сярод іх прыборы для вымярэння часусонечны гадзіннік з Замкавага комплекса "Мір";

    для вымярэння масы і вагі: 
    вагі з Круглянскага раённага гісторыка-краязнаўчага музея, Літаратурнага музея М. Багдановіча, Чавускага раённага гісторыка-краязнаўчага музея, Кобрынскага ваенна-гістарычнага музея А. В. Суворава
    бязмены з Баранавіцкаг краязнаўчага музея, Ганцавіцкага раённага краязнаўчага музея, Гарадоцкага раённага краязнаўчага музея, Магілёўскага абласнога краязнаўчага музея ім. Е.Р. Раманава
    паўкілёўка з Ганцавіцкага раённага краязнаўчага музея, якая выкарыстоўвалася для вымярэння вагі масла (паўкілаграма);

    для вымярэння атмасфернага ціску:
    барометр з Замкавага комплекса "Мір"
    барометр-вышынямер Якуба Коласа з Дзяржаўнага літаратурна-мемарыяльны музей Якуба Коласа, які выкарыстоўваўся і для вымярэння вышыні над узроўнем мора;

    для вымярэння тэмпературы паветра
    настольны тэрмометр з Дзяржаўнага музея гісторыі беларускай літаратуры 
    пакаёвыя тэрмометры М. Багдановіча (Літаратурны музей М. Багдановіча) і П. Броўкі (Літаратурны музей Петруся Броўкі),
    для вымярэння тэмпературы целамедыцынскі тэрмометр, які належаў Я. Купалу (Дзяржаўны літаратурны музей Янкі Купалы);

    для вымярэння даўжынілінейка вядомага астранома, ураджэнца Магілёўскай губерні Блажко С.Н. з калекцыі Магілёўскага абласнога краязнаўчага музея ім. Е.Р. Раманава. 


20.05.2013




© "Міністэрства культуры Рэспублікі Беларусь", 2009-2013
© Распрацоўшчык ТAA "НВФ "IНЕАК", 2009