Дзяржаўны
каталог Музейнага фонду
Рэспублікі Беларусь
Навіны музейнага жыцця  /  Выстава аднаго дня. Мядовы Спас

Выстава аднаго дня. Мядовы Спас


Жнівень – месяц, які ў народным календары лічыцца мяжой паміж летнім і восеньскім земляробчымі цыкламі, калі пачынаецца збор ўраджаю і працы па пасеву азімых. Як раз у жніўні адзначаюцца ўсе святы звязаныя са зборам ўраджаю. У тым ліку тры Спаса - Мядовы, Яблычны і Арэхавы.
14 жніўня – Мядовы Спас – першы ў чарадзе трох Спасаў. На Беларусі гэта свята часцей называюць Макавей. У хрысціянскай традыцыі гэты дзень з\'яўляецца днём памяці сямі пакутнікаў Макавеяў, у народзе ж – гэта свята маку. У гэты дзень праводзілі абрады з макам – абсыпалі хлеб, дом, пяклі пірагі з макам. У некаторых мясцовасцях адбываліся хросныя хады да святых калодзежаў.
З гэтым святам звязаны такія прыкметы: як на Маковея дождж, то будзе шмат грыбоў; як не бывае дажджоў на Маковея, то будуць пажары. А прымаўкі ўжо нагадвалі пра хуткае заканчэнне лета: «Першы Спас – праводзіны лета», «Ад першага Спасу халодныя росы»
Першы Спас лічыцца таксама святам пчаляроў, таму яго і называюць Мядовым. У гэты дзень пчаляры правяралі пчол – «мачалі ў мёд нажы». Па народным звычаі, калі бортнік, правяраючы пчол, пашкадуе мёду хоць аднаму з дзяцей, якія прысутнічалі пры гэтым, пчолы прападуць. Сяляне лічылі, што з гэтага дня пчолы перастаюць даваць мёд.
Пасля першага Спаса пачынаўся двухтыднёвы пост, празваны ў народзе «Спасаўка-ласаўка», так як у адрозненне ад «Пятроўкі-галадоўкі» у гэтую пару дзякуючы новаму ўраджаю селянін ужо мог не адчуваць сябе галодным.

На выставе прадстаўлены прадметы з Нацыянальнага гістарычнага музея Рэспублікі Беларусь, Нацыянальнага мастацкага музея Рэспублікі Беларусь, Дзяржаўнага музея гісторыі беларускай літаратуры, Мотальскага музея народнай творчасці, Карціннай галерэі Г.Х. Вашчанка, Гродзенскага дзяржаўнага гісторыка-археалагічнага музея, Гудзевіцкага дзяржаўнага літаратурна-краязнаўчага музея, Гісторыка-культурнага музея-запаведніка «Заслаўе», Капыльскага раённага краязнаўчага музея, Пухавіцкага раённага краязнаўчага музея, Магілёўскага абласнога краязнаўчага музея імя Е.Р. Раманава, Магілёўскага абласнога мастацкага музея імя П.В. Масленікава.

 


13.08.2013




© "Міністэрства культуры Рэспублікі Беларусь", 2009-2013
© Распрацоўшчык ТAA "НВФ "IНЕАК", 2009