Абраз «Святы Мікалай»

Святы Мікалай адлюстраваны на карычневым фоне ў цёмна-зялёным хітоне,чырвоным з залацістым арнаментам сакасе,зялёным епітрахілі з чырвона-чорнымі крыжамі.На руках залацістыя поручы.Правай рукой ён благаслаўляе ,левай падтрымлівае раскрытае Евангелле з тэкстам у пяць радкоў. Німб абведзены залацістай і чырвонай фарбай.З левага боку ад галавы Святога Міколы на залаціста-чырвоным фоне-- выява Іісуса Хрыста ў чырвоным хітоне,цёмным гімаціі і з Евангеллем у руцэ, з правага на такім жа фоне- выява Маці Боскай з пакровам,у чырвоным мафорыі, цёмным хітоне.Німбы святых вохрыстыя. І Хрыстос,і Маці Боская адлюстраваны на чорна-шэрых воблаках.З левага боку ад Святога Міколы - выява святога ў белым хітоне,белым гімаціі з крыжам і шпагай ў руках, з правага-- выява святога ў чырвоным хітоне, цёмна-чырвоным сакасе, чорным епітрахілі. Манаграмы і надпісы пададзены чорнай фарбай. Абраз мае карычневую акантоўку.