Арыфмометр «Facit»

Партатыўная механічная вылічальная машына (арыфмометр) мадэлі “Facit TK” (серыйны нумар 57288). Адметнай асаблівасцю прыбора з’яўляецца двухрадная клавіятура для ўводу лічбаў і змянення парадку лікаў. Арыфметычныя аперацыі над лікамі выконваюцца з дапамогай пракручвання ручкі прывода. Вага вылічальнай машыны складае каля 6 кг. Арыфмометры гэтай мадэлі выпускаліся шведскай фірмай “Facit” у 1936 – 1954 гадах, іх агульная колькасць склала больш за 130 тысяч адзінак. “Facit TK” шырока экспартаваўся ў розныя краіны свету, у тым ліку і ў Польскую Рэспубліку, куды дадзены экзэмпляр патрапіў у 1938-1939 гадах праз варшаўскае прамыслова-гандлёвае таварыства “Block-Brun Spółka Akcyjna”. У камплекце да машыны маецца арыгінальны драўляны футляр.