Царква Пакроўская

З вёскі Логнавічы Клецкага раёна Мінскай вобласці. Трохзрубны храм падоўжана-восевай кампазіцыі. Планіровачная структура помніка: бабінец-прыруб з двух"яруснай вежай-званіцай і неф-алтар з прыбудаванай збоку рызніцай. Канструкцыйная аснова камбінаваная, зрубна-слупавая. Цэнтральны аб"ём: квадратны зруб, да якога з усходу прымыкае 5-ці гранны алтар, вузейшы за неф, з прыбудаванай збоку рызніцай. Зрубы алтара і нефа падзелены сцяной з праёмам. Праз шулы да нефа прымыкае бабінец-прыруб з двух"яруснай вежай-званіцай. Першы ярус званіцы мае форму васьмерыка, другі ярус утварае ажурны дэкаратыўны ліхтарык з адкрытымі праёмамі завершанага цыбулепадобнай, урэзанай зверху макаўкай і каваным крыжам. Над уваходам - глухі бярвенчаты ашаляваны франтон. Падмурак з валуноў. Падлога з дошак. Сцены з брусоў, злучаных у чысты вугал. Столь з дошак. Страха двухсхільная з дранкі, у алтарнай частцы пераходзіць у шатровую

Агульная плошча - 129,9 м2