Канапа драўляная

Прадмет мэблі для сядзення, выкананы з дрэва. Канструктыўна складаецца з наступных частак: сядзення, спінкі, царгі, лакотнікаў і ножак. Сядзенне прамавугольнай формы, доўгае (на некалькі чалавек). Складаецца з 8 (васьмі) замацаваных на царге паралельных брускоў. Спінка канапы падымаецца над сядзеннем і служыць апорай для спіны. Галоўнай канструктыўнай часткай спінкі з'яўляюцца яе бакавыя асновы, пераходзячыя ў заднія ножкі прадмета. Бакавыя асновы змацаваныя двума папярочнымі планкамі. Царга складаецца з 4 (чатырох) шырокіх брускоў, якія ствараюць прастакутную форму сядзення. Па баках канапы размешчаны поручы, замацаваныя на царге і спінцы канапы. Лакотнікі фігурныя, зроблены ў выглядзе буйных завіткоў. Ножкі мацуюцца да царгі; зроблены ў выглядзе злёгку выгнутых чатырохкантавых слупкоў.