Анатацыя
Графічны твор вертыкальны па фармату. Усю кампазіцыю займае выява палічак, на якіх размесціліся розныя прадметы: марскія ракавіны, ручны гадзіннік, гаршчок з кактусам, навясны замок з ключом, фляжка, медалі і інш. На ніжняй палічцы ў цэнтры - выява статуэткі чалавека з паднятымі ўверх рукамі. За ім бачны кубачак з лыжкай. У верхняй трэці справа - выява рамкі з рогам пладароддзя, вакол якога пададзены надпіс: «EX LIBRIS» - зверху і «GALINA LWOWA» - знізу. Экслібрыс створаны для жонкі мастака - Галіны Львовай (Беларусь-Германія). Колер друку - сепія з фіялетавым адценнем.Opus 89