Фартух

Ільняны саматканы сшыты з двух паліц. Бакі і ніз упрыгожаны вышыўкай крыж раслінным арнаментам у выглядзе кветак з трыма лістамі і гронкамі вінаграду. Вышыўка выканана рознакаляровымі ніткамі «мулінэ» зялёнага, бэзавага, чырвонага, ружовага, чорнага і жоўтага колераў. Па баках па дзве тканыя чырвоныя паласы і па адной вышыванай крыжам арнаментальнай паласой. Прашытыя тры гарызантальныя зморшчыны шырынёй 0.5 см, ніз аздоблены фабрычнымі карункамі ў выглядзе вінаграду.