Фотаздымак

У цэнтры чорна-белага фотаздымка выява босага ваеннапалоннага хлопчыка ў чырвонармейскай форме. Хлопчык глядзіць у камеру. Па баках ад яго знаходзяцца яшчэ тры ваеннапалонныя. На заднім фоне - аднапавярховы драўляны будынак. Ваеннапалонныя ідуць па брукаванай дарозе. Фотаздымак зроблены ў першыя дні нямецка-фашысцкай акупацыі г. Маладзечна. На адваротным баку ў левай частцы змешчана назва фотаздымка - «Gefangrum in Molodetschno», з правага боку ад назвы - надпіс «6836 - 516».