Гадзіннік камінны

На фігурным пастаменце з чорнага каменя размешчаны высокі, закруглены з бакоў корпус, у які ўманціраваны механізм гадзінніка з круглым цыферблатам пад шклом. На цыферблат нанесены рымскія лічбы, дзве фігурныя стрэлкі, дзве адтуліны для заводу бою і ходу. На закругленнях корпуса - накладкі з бронзы з выявамі муз у вобразе жанчын у доўгіх сукенках- туніках. Верх корпуса плоскі, упрыгожаны бронзавай скульптурай Гесціі, захавальніцы боскага агню, сямейнага ачага, якая адной рукой абапіраецца аб корпус, другой цягнецца да полымя.