Габелен

Безворсовы тканы насценны дыван з паляўнічага замка маёнтка Паставы, на якім рознакаляровымі ніткамі зелянява-карычневай гамы прайграны сюжэт: група аленяў, якія пасвяцца ў густых лясных гушчарах. Машынная праца па старых узорах другой паловы ХІХ стагоддзя (вызначылі Гаравец Таццяна Васільеўна, заг. Рэстаўрацыйнымі майстэрнямі і Казаноўская Алена Пятроўна, супрацоўнік фондаў Нацыянальнага музея Беларусі). Выраблены для ўладальніка маёнтка Паставы графа Пршаздзецкага. Ён выгадаваў і выхаваў для пана выдатнага каня, які займаў прызавыя месцы на скачках у Расіі і за мяжой. У падзяку пан на свае сродкі вывучыў сына Івана Атвалка - Аляксандра - у Санкт-Пецярбургскай афіцэрскай кавалерыйскай школе. Калі Аляксандр Іванавіч Атвалка скончыў вучобу і вярнуўся дадому, каб аддзячыць Пршаздзецкага, той спытаўся, ці добра вучыўся хлопец. «На выдатна!» - адказаў Атвалка. Расчуліўшыся, пан зняў са сцяны габелен ручной работы і падарыў маладому афіцэру-кавалерысту