Анатацыя
Вясковы нацюрморт. Праца выцягнута па вертыкалі. На фоне вугла драўлянага зруба, справа - драўляная кадка. На ёй у цэнтры кавалак белай тканіны, на якой - 1/3 частка баханкі чорнага хлеба (цаглінка), з адным адрэзаным кавалкам зверху. Справа ад хлеба - два сярпа. Злева, за хлебам, - гляк. Злева ад кадкі, вертыкальна, - зрэз бярвення і ўнізе - веялка ручная. За кадкай справа - сноп жыта з нахілам налева. Каларыт: вохрыста-карычневы.