Харугва царкоўная двухбаковая

Харугва была знойдзена ў закінутым доме ў в.Садовая (ранейшая назва - Блячын). Магчыма, раней знаходзілася ў Блячынскай Іаана-Прадцечынскай царкве. Царква была разбурана ў 1965г. па загаду мясцовых улад, навучэнцамі Клецкага СПТВ. Падчас разбурэння частка царкоўных кніг, абразоў, начыння і г.д. была ўратавана прыхажанамі. Некаторыя з гэтых рэчаў апынуліся ў музеі, некаторыя - былі перададзены ў адноўленую царкву на пачатку ХХІ ст.