Харугва «Казанская ікона Божай Маці», «Вадохрышча»

Уяўляе сабой парусападобны сцяг з трыма языкамі па ніжнім краі, выкананы з ільняной тканіны, афарбаванай у чырвоны колер. На адным баку ў цэнтры маецца «Казанская ікона Божай Маці», з адваротнага боку - абраз «Вадохрышча». Іконы напісаны на скуры алеем, маюць авальную форму, прышыты да палатна. На іконе Божай Маці зверху маецца надпіс «Казанская» (літары бачныя невыразна). На абразе «Вадохрышча» зверху - надпіс «Вадохрышча» (літары бачныя невыразна). Фонавае поле харугвы ўпрыгожана вышыўкай з праваслаўнай сімволікай - прысутнічаюць вобразы вінаграднай лазы, палявых кветак і хлебнай травы. Краі харугвы па ўсім перыметры ўпрыгожаны махрамі. У верхнюю прашытую частку харугвы устаўлены драўляны стрыжань-трымальнік з стройнымі фігурнымі наканечнікамі. Ўніз ад канцоў трымальніка ідуць два шнура з пэндзлікамі на канцы. Такія ж пэндзлікі ўпрыгожваюць кожны язык палатна. Таксама да трымальніка з двух бакоў прымацаваны асноўны шнур. Пасярэдзіне да шнура прымацаваны драўляны шасціканцовы крыж (абматаны за ніжні канец), з дапамогай якога харугва мацавалася да дрэўка: крыж ўстаўляўся ў дрэўка. Дрэўка адсутнічае