Яйка велікоднае «1000 год праваслаўнай царквы на Беларусі»

Аўтар формы - мастак Мінскага фарфоравага завода А.Я. Фядусь. Аўтар малюнка - мастак Мінскага фарфоравага завода В. Е. Данчук. Заводскі нумар № 3315 «Р». Зроблена па заказу да 1000-годдзя праваслаўнай царквы на Беларусі. Тулава пустацелае, з круглай адтулінай у ніжняй частцы. Паверхня тулава пакрыта люстровай фарбай блакітнага, шэрага і жоўтага адценняў. На тулаве 1 медальён авальнай формы з выявай крыжа пасярэдзіне, вакол якога стужка з надпісам на беларускай мове: «ТЫСЯЧА ГОД ПРАВАСЛАЎНАЙ ЦАРКВЫ НА БЕЛАРУСІ / 992». Узор-эталон прамысловага вырабу перададзены са збору Музея Мінскага фарфоравага завода ў 2009 г.