Спадніца жаночая

Спадніца выраблена з пяці паліц ільняной тканіны. Паліцы паміж сабой злучаны ўручную. У верхняй частцы спадніцы тканіна закладзена ў складкі пад пояс. Паліца, размешчаная спераду, часткова ў складкі не закладзена і мае ўстаўку, вырабленую з неадбеленага палатна шырынёй 11 см. У бакавой часткі спадніцы, злева, па шве паліц прадугледжаны разрэз. Паясок выкананы з палатна, мае доўгія канцы, з дапамогай якіх спадніца мацуецца на станы. Малюнак тканіны - прастакутнік. Для яе стварэння выкарыстоўваліся ніткі па аснове і па ўтоку белага і цёмна-сіняга колеру. Па вертыкалі размешчаны шырокія цёмна-сінія паласы, на іх фоне размешчана пяць вузкіх палос белага колеру. Шырокія цёмна-сінія паласы чаргуюцца з больш вузкімі белымі палосамі. Па гарызанталі цёмна-сінія і белыя паласы перасякаюцца чатырма вузкімі палоскамі белага колеру. Спадніца ўпрыгожана трыма шырокімі гарызантальнымі палосамі аплікацыі вырабленымі з чырвонага кумача з белай акантоўкай, паміж шырокіх палос размешчаны дзве вузейшыя паласы аплікацыі. На пярэдняй паліцы аплікацыяй запоўнены толькі ніз спадніцы

S - 35 см (па таліі)