Кніга «Гимназія на дому. Выпускъ 2-й»

Падручнік для самаадукацыі часоў Расійскай імперыі. Кніга падрыхтавана да друку выдавецкім таварыствам “Благо”, надрукавана ў 1916 годзе ў Петраградзе ўласнай тыпаграфіяй згаданага таварыства. Серыя падручнікаў “Гимназия на дому” налічвае 30 выпускаў і прызначана для паўнавартаснай завочнай падрыхтоўкі да заканчэння ўстаноў сярэдняй адукацыі. Увесь вучэбны матэрыял размеркаваны паміж выпускамі дадзенай серыі такім чынам, што кожны з іх уяўляе сабой чарговы этап агульнага адукацыйнага курсу. Такім чынам, 2-гі выпуск “Гимназии на дому” змяшчае пачатковыя звесткі з гімназічных курсаў такіх прадметаў, як Закон Божы, арыфметыка, алгебра, геаметрыя, фізіка, геаграфія, гісторыя, руская, лацінская, нямецкая, французская мовы і інш. Прыватнае выдавецкае таварыства “Благо” было заснавана ў 1910 годзе ў Санкт-Пецярбургу. Спецыялізавалася на выпуску літаратуры для самаадукацыі. Акрамя таго, друкавала творы М. Твэна, Г. Гейнэ, О. Уайльда, Р. Кіплінга, Ф. Шылера, і іншых, пераважна замежных, пісьменнікаў. Спыніла існаванне ў 1928 годзе.