Кніга «Глыбокае»

Друкаванае выданне польска-беларускага краязнаўца, гісторыка і педагога Отана Гедэмана. Кніга была выдадзена ў 1935 годзе ў Вільні (Вільнюсе) друкарняй “Kraj” на польскай мове. Асаблівая значнасць выдання заключана ў тым, што яно стала першай гістарычнай манаграфіяй, прысвечанай Глыбокаму. Кніга выдзяляецца багатым факталагічным матэрыялам і ахоплівае перыяд часу з пачатку XVI да другой паловы XIX стагоддзя. Вялікую каштоўнасць маюць таксама фотаздымкі з відамі горада 1920 – 1930-х гадоў, змешчаныя ў ёй. Ураджэнец Рэчыцкага павета Отан Гедэман з 1922 года працаваў настаўнікам гісторыі ў Браславе, дзе пачаў займацца навукова-даследчай дзейнасцю, апублікаваўшы ў далейшым шэраг прац гістарычнай тэматыкі.