Копія медаля «У гонар Людовіка Караліны Радзівіл»

Аверс: выява партрэта Людовіка Караліны Радзівіл (1667-1695) у профіль направа; кругавая легенда: LUDOVICA CAROLINA. RADZIVILIA. D(ei). G(ratia). BIRS(ensis): DUB(icensis). SLUC(ensis). ET KOP(ylensis): DUX. (Людовіка Караліна Радзівіл, Божай ласкай, княгіня на Біржах, Дубінках, Слуцку і Капылі); пад партрэтам подпіс: AET(atis). 8 AN(no)/ 1675 D(ie). 27. FEB(ruarii). (У васьмігадовым узросце, у 1675 годзе дня 27 лютага). Рэверс: выява панарамы горада з лятучымі птушкамі; адна птушка, для якой рука трымае галінку, якая стварае цень, сядзіць у гняздзе на дрэве; дзве іншыя птушкі ляцяць ад сонца; у цэнтры Сонца знаходзіцца імя Бога; пад дрэвам размешчаны герб князёў Радзівілаў: на картушы арол направа, на грудзях - шчыт з «Трубамі», легенда: BIRSE (Біржы); у ніжняй частцы медаля - легенда ў радок: PARENTES MEI DERE/LIQUERUNNNT ME./ ETS PS(almus) 27 V(ersus). 10. (Мае бацькі пакінулі мяне, 27 псальма, 10 верш).