Копія медаля «У гонар Мікалая Крыштафа Радзівіла Сіроткі»

Аверс: выява партрэта Мікалая Крыштафа Радзівіла Сіроткі(1549-1616) у профіль налева; кругавая легенда: NIC (olaus): CRIS (tophus): RADZIVI. D(ei): G(ratia): OLICAE.ET. NIESZVIEZI. DUX.ZC. (Мікалай Хрыстафор Радзівіл, Божай ласкай, князь на Алыцы і Нясвіжы). Рэверс: выява герба князёў Радзівілаў: на картушы арол, галава павернутая направа, на грудзях шчыт, падзелены на 4 часткі: у першай - «Трубы», у другой «Адравуж», зменены графаў Свяшчэннай Рымскай імперыі Шыдлавецкіх, у трэцяй - «Тарнава», у чацвёртай - «Дуброва», на картушы тры гелмы з каронамі, у клеймах якіх арол, леў, грыф; вакол картуша - арнамент з лісця; кругавая легенда: DONEC PERFICIAT. (Пакуль не ажыццявіцца).