Дыван маляваны «Красналюдка - казачнік-бай»

Па чорным фоне з бакоў і зверху намаляваны бела-чырвонымі фарбамі кветкі з лісцямі. У цэнтры, у гарызантальна размешчаным крузе, намаляваны Красналюдка. Ён сядзіць на пні. Левай рукой абапёрся на грыб-мухамор. У правай руцэ - дудка, на якой казачнік грае. Насупраць казачніка на задніх лапках сядзіць заяц, які слухае музыку. Зверху па крузе намаляваны кветкі і сава. Казачнік апрануты ў каўпак з кутасам чырвоны з зялёным адваротам, блакітную світку, зялёныя штаны да каленяў з чырвонымі лампасамі, блакітныя панчохі і чырвоныя чаравікі.