Анатацыя
Крэдытная марка (плацежная бона) вайсковага кааператыву 7-га батальёна Корпуса аховы памежжа (КАП) “Падсвілле” наміналам 1 злоты. Рэверс боны змяшчае наступны надпіс: “SPÓŁDZ. 7 BAONU К.О.Р PODSWILE” (“spółdzielnia” перакладаецца з польскага як кааператыў).
У 1920-х гадах у польскіх вайсковых частках ствараюцца кааператывы, якія забяспечвалі сваіх пайшчыкаў прадуктамі і таварамі па цвёрдых цэнах. Крэдыт у такіх кааператывах быў арганізаваны шляхам выдачы спецыяльных крэдытных марак, якімі разлічваліся ў кааператыўных крамах. Пры атрыманні жалавання пайшчыкі пагашалі свае даўгі, і ім зноў выдаваліся крэдытныя маркі. Такім чынам, адбываўся шматразовы абарот гэтых марак, якія мелі хаджэнне толькі ў межах кааператыва пэўнай вайсковай часткі.