Анатацыя
Крэсла «бержэр» глыбокае з трапецападобным сядзеннем-падушкай, высокай прамавугольнай спінкай з выразанымі вугламі. Падлакотнікі з мяккімі накладкамі-валікамі завяршаюцца спіралепадобнымі завіткамі, месцы пераходу падлакотнікаў у бакавыя апоры аздоблены лісцем аканта, завяршэнне апор у выглядзе пладоў граната. Ножкі прамыя, канеліраваныя, месцы злучэння ножак з царгой аформлены кубам з упісанай разеткай. Спінка, сядзенне, бакавыя сценкі, валікі на падлакотніках абабіты аксамітам сталёва-сіняга колеру, контуры абіўкі аздоблены дэкаратыўнымі цвікамі з паўсферычнымі шляпкамі