Кубачак

Белага колеру, мае форму ўсечанага конуса, звужаны ніз якога мае грані. Ручка з залацістымі рысамі, уверсе мае завостраны вугал, унізе - плаўны выгіб. Тулава кубачка пакрыта роспісам: уверсе ўзорыстая паласа - залацісты контурны арнамент, які складаецца з завіткоў і кветак; сярэдняя паласа - рэалістычная выява ружовых і белых руж, якія чаргуюцца на зялёных, з лісцем і бутонамі, галінках; трэцяя паласа - залацісты контурны арнамент кветак з лісцямі. Унутры вусця кубачка таксама залацісты контурны роспіс у выглядзе раслінна-геаметрычнага арнаменту. Звонку донца надпісы залацістага колеру: «60» і «33».