Кубак для збору міласціны

Тулава цыліндрычнае з колцападобна патоўшчаным на аснаваннем і венцам. У цэнтральнай частцы прымацавана накладка ў выглядзе паловы кароны. Пад каронай - гравіроўка з выявамі скрыжалей, паабапал знаходзяцца фігуры ільвоў-абаронцаў. Над каронай па акружнасці тулава выгравіраваны ламбрэкен. Пад венцам прымацавана невялікая пяцелька для навяснога замка. Вечка адкідное, нязначна пукатае, з прамавугольнай адтулінай у цэнтры, якая па перыметру мае ўзвышэнне вонкі і ўнутр. Да ўнутранай часткі ўзвышэння прымацаваныя дзесяць колцаў. Да краю вечка прымацавана адкідная накладка для навяснога замка. Паверхня вечка дэкарыраваная гравіроўкай у выглядзе кропак і арнаменту па акружнасці з выгнутых палос і кропак. Дзяржанне С-падобнае, тонкае, сплюснутае.