Медаль Францыска Скарыны

Медаль Францыска Скарыны каталіцкага святара Юозаса Булькі. Медаль заснаваны Указам Прэзідыума Вярхоўнага Савета БССР 20 красавіка 1989 года для ўзнагароджвання работнікаў навукі, адукацыі і культуры за выдатныя дасягненні ў прафесійнай дзейнасці, значны ўклад у развіццё духоўнага і інтэлектуальнага патэнцыялу, культурнай спадчыны беларускага народа. Мае форму круга дыяметрам 27 мм. На вонкавым баку медаля размешчаны рэльефная выява знакамітага першадрукара і надпіс “Францыск Скарына”, на адваротным баку – яго асабісты знак-сігнет. Ксёндз Юозас Булька, які больш дваццаці гадоў быў пробашчам касцёла Святой Ганны ў вёсцы Мосар Глыбоцкага раёна, атрымаў у Беларусі шырокую вядомасць дзякуючы плённай рэлігійнай і культурнай дзейнасці. Медалём Францыска Скарыны ён быў узнагароджаны ў 2006 годзе за ўмацаванне духоўных каштоўнасцей і прапаганду здаровага ладу жыцця.

D - 27 мм