Медальён

Знойдзены падчас археалагічных ракопак у Капылі; авальнай формы; з абедзвюх бакоў мае рэльефныя выявы; на адным баку змешчаны ў профіль пагрудны партрэт каталіцкага святара Св. Лаёла - заснавальнік ордэна езуітаў, які трымае ў руках разгорнутую кнігу; на адваротным баку змешчана складаная рэльефная кампазіцыя - выяа чоўна або невялікага карабля, у які б"е маланка з воблака, у самай верхняй частцы паказаны дзве чалавечыя нагі, унізе змешчана выява чалавечага цела у саване, які аблямоўваюць марскія хвалі. Гэта кампазіцыя прысвечана аднаму з каталіцкіх місіянераў Францыску Ксаверыю, паплечніку Лаёлы, які праславіўся сваёй апостальскаю дзейнасцю ў Індыі і Японіі. Маса медальена - 6,40 гр. Медальен адліты ў двухбаковай форме і, магчыма, дапрацоўваўся напільнікам. На бакавых гранях, каля вушка пад почапку, можна заўважыць сляды, якія пакідае напільнік, калі ім здымаюць з металу заўсенцыі. Зверху выступ кроплепадобнай формы памерамі 4,5х8 м, у якім зроблена скразная адтуліна дыяметрам 2 мм., куды працягваўся шнурок.