Мемарыяльная таблічка

Уяўляе сабой прамавугольную металічную пласціну. На пласціне кропачна выцеснены надпіс: «Погиб смертью героя. Иванъ Бушинъ. I батареи 4 С.М.А.Д. Томской губернiи. 22 марта 1916 г.» У верхняй частцы размешчана выява праваслаўнага крыжа. Пласціна выраблена з гальзы ад артылерыйскага снарада.Мемарыяльна таблічка размешчана у рамцы за шклом на фоне шэрага сукна. Мемарыяльная таблічка была знойдзена ля вёскі Гатавічы Мядзельскага раёна на месцы пахавання салдата Першай сусветнай вайны Івана Бушына. Бушын Іван Кузьміч, ураджэнец Томскай губерні, Бійскага павета, Петрапаўлаўскай воласці, вескі Савінаўскае. Бамбардзір 1-й батарэі 4-га Сібірскага марцірнага артылерыйскага дывізіёна. Быў ранены ў баях каля возера Нарач, памёр ад ран у ноч з 21 на 22 сакавіка 1916 г. (Крыніца: РДВГА, фонд 61196, вопіс 1, справа «Списки потерь солдат 39 мортирного дивизиона и Сибирских мортирных артиллерийских дивизионов"). Магілу знайшоў і даглядаў жыхар в.Гатавічы Чарняўскі В.С. Таблічка была перададзена ў музей падчас аўтапрабегу па месцах пахаванняў Першай сусветнай вайны. Мемарыяльна таблічка часоў Першай сусветнай вайны - адзіная ў Беларусі, якая захавалася ў цэласці.