Млын ветраны

З вёскі Даматканавічы Клецкага раёна Мінскай вобласці. Помнік народнай архітэктуры канца ХІХ ст. Вытворчая пабудова для памолу зерня з выкарыстаннем энеогіі ветру. Адносіцца да тыпу млыноў-казловак на адзін пастаў (ніжні і верхні камяні жорнаў). Млын паварочваўся да ветру ўсім корпусам пры дапамозе дышаля вакол моцнага слупа, замацаванага ў каменным падмурку, і крыжавінай з «козламі». Вышыня млына каля 12 м. Пабудова падзяляецца на тры ўзроўні. На першым - восевы слуп у козлах, на другім - «скрыня» для мукі. На трэцім ўзроўні знаходзіцца галоўны механізм - гарызантальны вал з прымацаваным да яго зубчатым колам і постаў для памолу. На гарызантальным валу звонку замацаваны чатыры махі. Корпус млына каркасны, ашаляваны. Дах двухсхільны, дашчаты

Агульная плошча - 90,75 м2