Паштоўка «Могилевъ губ. Губернское правление и дворец губернатора»

Паштоўка з выявай Губернскага праўлення і Палаца губернатара. На паштоўцы злева знаходзяцца два мураваных двухпавярховых будынкі. Першы з іх, бліжэй да левага краю, Дом губернскага праўлення, меў тры неглыбокія рызаліты і галоўным фасадам выходзіў на плошчу. Паміж Домам губернскага праўлення і Палацам губернатара размешчана мураваная арка. Вокны будынкаў прамавугольныя і аркападобныя. З правага боку паштоўкі знаходзіцца брычка, прахожы, дрэвы. Па баках аркападобнага ўвахода Палаца губернатара размешчаны ліхтары. Уверсе пасярэдзіне паштоўкі маецца друкаваны надпіс на рускай мове пачатка XX ст. «Могилевъ губ. Губернское правленіе и дворец Губернатора». На адваротным баку ўверсе пасярэдзіне маецца надпіс друкаванымі літарамі: «Открытое письмо. - CARTE POSTALE. Pocztowka». Паштоўка падзелена напалову вертыкальнай друкаванай лініяй. Зправа знаходзяцца друкаваныя гарызантальныя лініі для надпісу. З правага боку над лініяй для надпісу маецца надпіс на рускай мове:«Для Адреса», а насупраць з левага боку: «Для пісьма». Злевага краю маецца надпіс на рускай мове пачатка XX ст.: «Изданіе Писчебумажного Магазина М. Ш. Де-Ноткина.».