Паштоўка «Могилевъ губ. Театральная площадь»

Паштоўка з выявай Тэатральнай плошчы. На паштоўцы знаходзіцца Уваскрасенская царква. Побач з царквой знаходзіцца мураваны двухпавярховы багата дэкараваны будынак гатэля «Францыя». Маляўнічы галоўны фасад з неглыбокім цэнтральным рызалітам рэтмічна падзелены карнізам і пілястрамі. З правага і левага боку паштоўкі відаць часткі мураваных двухпавярховых будынкаў. На плошчы шмат людзей, брычкі, вулічныя ліхтары, дрэвы ў драўляных агароджах. Знізу паштоўкі на першым плане выява чалавека з парасонам у руках.