Паштоўка «Отступленіе (Верещагина). RETRAITE (VERECHTSCHAGUINE)»

Друк шматкаляровы, гладкі. Прозвішча мастака і назва твора надрукаваны на выяўленчым баку зверху на рускай і французскай мовах. На адрасным баку зялёнай фарбай надрукавана мастацкая віньетка, якая займае левую частку паштоўкі і ўсю яе частку зверху. У левым верхнім вуглу віньеткі надрукавана выява музея Аляксандра III (Рускага музея) - месца знаходжання карціны. Віньетка ўпрыгожана партрэтам мастака В. Верашчагіна. Унізе надпіс на рускай мове «Изд. И.С. Лапинъ художникъ літографъ Парижъ»