Пячатка

Выраб у выглядзе няроўнай чатырохвугольнай пліткі, двухбаковы, з контррэльефнымі геральдычнымі выявамі гербаў «Пагоня» і «Алень».

Археалагічныя раскопкі пад кіраўніцтвам Тарасава Сяргея Васільевіча, 1987-88 гг. Полацк, тэрыторыя былога Вялікага пасада (раскоп 1). «Пагоня» - дзяржаўны герб ВКЛ, «Алень» - герб Віцебскага ваяводства, якое існавала з 1506 года да 1772. Адлюстраванні «Пагоні» і «Аленя» негатыўныя, што дае падставу лічыць дадзеную плітку штампам або матрыцай для вырабу пазітыўных выяў. Яна магла быць пячаткай, матрыцаю для пячаткі (не выключана, што фальшывай), штампам для кляймення тавараў (воску, цаглін, кафлі), штампам для адбіткаў медальёнаў на скуры.