План-карта «Projekt istniejacego gmachu Мagistraty m. Nieswieza»

«План існуючага будынка Ратушы г. Нясвіжа»; на 12-ці асобных аркушах, наклееных на тканіну і сфальцаваных «гармонікам». На 1-ым аркушы ўверсе загаловак чорнай тушшу: «Projekt i stniejacego gmachu Magistraty m. Nieswieza». Ніжай - сітуацыйны план будынка Ратушы ў маштабе 1:500, арыенціровачны план (размяшчэнне магістрата з указаннем вуліц, якія прылягаюць да яго), пералік будынкаў комплексу, лінейная маштабная шкала. На аркушах 2 - 6 планы падмуркаў, паверхаў, даху, від зверху на бакі даху. На аркушах 7 - 8 прадстаўлены папярочны і падоўжны разрэзы будынка, на аркушах 9 - 11 - пярэдні і бакавы фасады. На 11-ым аркушы ўнізе адбітак прамавугольнага штампа ў 2-х радках: «Тechnik Pow. Zarzadu Drogowego/ w Nieswiezu», над штампам подпіс чорнай тушшу (неразборліва). Аркуш 12 не запоўнены.

H - 38,0 см, l - 253,5 см (у разгорнутым выглядзе)