Пацір

Форма паціра трохчасная: паддон, «яблык», чаша, злучаныя стаянам. На чашы ў авалах намаляваны васьміканцовы крыж і Дэісусны чын. Па вобадзе чашы тэкст: «Тело Христово примите источника бессмертного вкусите». На паддоне ў авалах малюнак чатырох евангелістаў. Па вобадзе ступеньчатага паддона выгравіраваны надпіс: «О упокоении р.Б.Иоанна, Агафии и Гордия». На чашы і паддоне два кляйма: 1) таўро Маскоўскага акруговага прабірнага кіравання з ініцыяламі кіраўніка акругай Івана Сяргеевіча Лябёдкіна; таўро «МВ» не вызначана. Прадмет зарэгістраваны ў спісе гісторыка-культурных каштоўнасцяў. Шыфр - 321Н000018. Катэгорыя «1». Пастанова Савета Міністраў Рэспублікі Беларусь ад 14 мая 2007 года №578