Прыбор чарнільны

Спецзаказ. Складаецца з трох прадметаў. Падараваны Якубу Коласу ў дзень нараджэння 3 лістапада 1945 года сябрамі-пісьменнікамі і адказнымі работнікамі АН БССР. У дзённіку «На схіле дзён» Якуб Колас запісаў 3 лістапада 1945 г.: «Дзень майго нараджэння. Сабралася досыць многа народу. Былі пісьменнікі Лынькоў, Крапіва, два Петрусі, Лужанін. Ад Акадэміі Гораў, Ляонаў, Шэмпель. Быў Токараў з жонкаю, былі дзяўчаты: Валя, Тася, Ліда. Быў Толік. Усяго за 20 чалавек. Падаравалі пісьмовы прыбор». (Дзяржаўны літаратурна-гістарычны музей Якуба Коласа дае дазвол выставіць прадмет на верхні ўзровень)

Металічная пласцінка ; дарчы надпіс ; Якубу Коласу - слаўнаму паэту і грамадзяніну, добраму нашаму другу. П.Броўка, П.Глебка, К.Гораў, К.Крапіва, В.Леонаў, М.Лынькоў, М.Лужанін, С.Мелкіх, М.Танк, В.Шэмпель. 3..ХІ.1945 г. ; беларуская ; гравіраванне