Пуня

З вёскі Воўкаўшчына Міёрскага раёну Віцебскай вобласці - характэрная пабудова рэгіёна «Паазер"е». Канструкцыя зруба - вяночна-слупавая. Падмурак помніка бетонны, стужкавы, зверху зроблена бутавая кладка. Унутранная прастора пуні ўздоўж падзелена на тры часткі прыстаронкамі, якія ўрублены ў тарцовыя сцены. Цэнтральная частка адной з тарцовых сцен зроблена з тонкіх вертыкальных жэрдак - для забяспечення праветрыванне памяшкання. Апорная канструкцыя страхі - «на козлах». Форма страхі чатырохсхільная з лабяком. Ток глінабітны, у застаронках падлога земляная. Вароты з дошак злучаны шпонамі. Пуня мае некалькі светлавых адтулін

Агульная плошча - 143,33 м2