Сарочка жаночая

Частка традыцыйнага жаночага адзення прамога крою з даматканага палатна. Сарочка ўпрыгожана вышыўкай крыжыкам ніткамі чырвонага і чорнага колеру. Арнамент геаметрычны ў выглядзе ромбаў і касых крыжоў, размешчаных на плечавой частцы рукава, абшэўках і зборцы па гарлавіне. Рукавы і брыжі з больш тонкага і светлага палатна, астатняя частка з больш шчыльнага і шэрага. Каўнер і абшэўкі зашпільваюцца на гузікі, якія сплецены з нітак. Набыта ў жыхаркі г. Мазыра Аверчанка Таццяны Іванаўны ў 2020 годзе.