Шабля марская афіцэрская, узору 1837 г.

Шабля марская старшага афіцэрскага і адміральскага саставу ў ножнах, узору 1837г. Клінок стальны, нязначнай крывізны, адналязовы, з двума доламі (вузкі і шырокі). Баявы канец двухлязовы. Вастрыё ссунута да лініі абуха. Эфес складаецца з дзяржання і гарды. Дзяржанне пластмасавае чорнага колеру з нязначным пашырэннем у сярэдняй частцы, пакрыта папярочнымі баразёнкамі. «Спінка» дзяржання прыкрыта металічнай планкай, упрыгожанай рэльефнай вертыкальнай гірляндай з ракавін і картушом з завіткамі. Галоўка купалападобная з паскам, упрыгожана разыходзячыміся баразёнкамі. У цэнтры галоўкі - заклёпка, якая змацоўвае дзяржанне з хваставіком клінка. Унізе на дзяржанні - цыліндрычная ўтулка, упрыгожаная трыма гарызантальнымі валікамі і кальцом. Галоўка злучана з D- падобнай дужкай. Уверсе на дужцы круглая адтуліна для цемляка. Дужка плаўна пераходзіць у асіметрычную крыжавіну, з правага боку ўпрыгожаную праразным арнаментам: якар, абвіты канатам, абкружаны вінаграднай лазой. Злёгку загнуты ўніз канец крыжавіны аформлены ў выглядзе галавы марской міфалагічнай жывёліны

L клінка - 73 см; на абуху клінка ; надпіс ; Coulaux & C Klingenthal France ; французская ; гравіроўка на крыжавіне злева ; нумар ; 267