Анатацыя
Дзвюхстворкавая з шырокім прафіліраваным карнізам, дэкараваным разным раслінным арнаментам. Фасад шафы ўпрыгожаны трыма канеліраванымі паўкалонамі з карынфскімі капітэлямі. Ніжняя частка калон дэкаравана разьбой у выглядзе вазонаў з букетамі і фігуркамі птушак. Дзвярныя панэлі дэкараваны філёнгамі ў выглядзе арак , якія ўтвораны пілястрамі з карынфскімі капітэлямі, у цэнтры арак - маскароны. Дзверцы шафы маюць металічнае запорнае прыстасаванне і мацуюцца да корпуса латуннымі раяльнымі завесамі. Ніжняя частка шафы шырокая ў выглядзе прафілірованай ліштвы і панэлі з раслінным арнаментам. Ножкі - шары. Унутраная паверхня шафы падзелена дзвюма дзвюма паліцамі, верхняя - за дзвюма дзверцамі, выкананымі ў тэхніцы скразной разьбы.