Шпалера «Пейзаж з млыном»

У цэнтральным полі шпалеры выява каменнага дома з вялікім вадзяным млынам, ракой і высокімі ўзгоркамі за імі. На пярэднім плане дрэва, пышны хмызняк і фазан. На другім плане, на беразе ракі з невялікім вадаспадам - рыбак. Кампазіцыя абрамлена па перыметры вузкім бардзюрам з геаметрычным арнаментам, які імітуе багет. Шпалера выканана ў стрыманай каларыстычнай гаме з дамінантнымі сінімі, зялёнымі і вохрыстымі колерамі.