Анатацыя
Крэсла «Сіямскія блізняты» на пяці вытанчаных кароткіх каніліраваных ножках у форме двух здвоеных крэслаў, злучаных паміж сабой агульнымі падлакотнікам і ножкай. Двайная спінка ў фігурнай рыфлёнай раме выгнута вонкі. Сядзенне неглыбокае, сіметрычна раздвоенае. Да фігурнай царгі прымацаваны пяць ножак і ўвагнутыя ўнутр кансолі бакавых падлакотнікаў. Сядзенні, спінка, падлакотнікі мяккія, аббітыя тканінаю. Рама, царга, ножкі ўпрыгожаны разьбою расліннасці.