Статуэтка-чарніліца «Ліса і Журавель»

Фарфоравая статуэтка-чарніліца вытворчасці ленінградскай Кааператыўнай арцелі “Прагрэс”. Створана ў 1950-х гадах па праекту скульптара Юрыя Паўлавіча Смірнова, які выкарыстаў матыў вядомай народнай казкі “Ліса і Журавель”. Статуэтка мае складаную кампазіцыю, што уключае фігуры жураўля і лісы, між якімі змешчана ўласна чарніліца, стылізаваная пад пень (унутры пня знаходзіцца колба для чарнілаў). Накрыўка чарніліцы выканана ў выглядзе міскі, на якой ляжыць лыжка. Выраблена статуэтка ў тэхніцы паліхромнага надпаліванага мастацкага роспісу. Кааператыўная арцель “Прагрэс” была заснавана на ўскрайку Ленінграда ў 1946 годзе з мэтай працаўладкавання інвалідаў вайны і праіснавала да канца 1950-х гадоў. За час існавання прадпрыемства яго майстры, да ліку якіх належаў і Ю. П. Смірноў, увасобілі ў фарфоры шэраг яркіх, жывых вобразаў, адным з якіх стала згаданая статуэтка-чарніліца.