Абраз «Святыя Ганна, Панцеляймон, Ваніфацый»

Уяўляе сабой каляровы іканапісны малюнак, выкананы на драўлянай дошцы, змацаванай двума папярочнымі шпонкамі. Выявы святых у поўны рост. У цэнтры намаляваны святой вялікапакутнік Панцеляймон, па абодва бакі ад яго - святая прападобная Ганна і святы пакутнік Ваніфацый. Святой вялікапакутнік Панцеляймон апрануты ў шэра-зялёны хітон з залацістай аблямоўкай, па-над якім накінута пурпурная мантыя. У левай руцэ вялікапакутнік трымае куфэрак са святым алеем, у правай - лжыцу. Святая прападобная Ганна ўбрана ў карычневую мантыю, у светла-карычневую расу, сіні параманд. Крыжы на парамандзе напісаны белым колерам. Святая Ганна трымае ў правай руцэ крыж. Святы пакутнік Ваніфацый апрануты ў чырвоны хітон, па-над якім накінута сіняя мантыя. Святой Ваніфацый трымае ў правай руцэ крыж. Адзення напісаны лесіровачна, з больш шчыльнымі рыскамі зморшчын і бялільнымі прабеламі. Абліччы напісаны вохрай па карычневаму санкіру светла-вохрыста рухамі. Вочы вялікія міндалепадобныя, вясёлкавыя абалонкі карычневыя, зрэнкі чорныя. Позем напісана вохрыста-аліўкавым колерам. Фон сярэднікаў выкананы ў светла-аліўкавым колеры. На німбах захаваліся сляды пазалоты, німбы акантаваны цёмнай фарбай. Палі ўпрыгожаны пазалочаным каляровым арнаментам у выглядзе арабесак. У сярэдніках над німбамі маюцца надпісы - імёны святых: «Святая прападобная Ганна», «Святой Вялікапакутнік і Спаведнік Панцеляймон», «Святой Пакутнік Ваніфацый» (па-славянску, з скарачэннямі, з тытуламі).