Абраз «Тайная вячэра»

Уяўляе сабой разьбяны драўляны абраз, на якім захаваны евангельскі сюжэт - Тайная вячэра Ісуса Хрыста і 12 (дванаццаці) апосталаў у Сіёнскай святліцы. Захавалася верхняя частка іконы з абліччамі (пагрудная і пасавыя выявы). У цэнтры выяўлены Ісус Хрыстос, які благаслаўляю ежу, справа і злева ад яго - па 6 (шэсць) апосталаў. Дзевяць апосталаў выяўлены з бародамі, тры - без барод. Над галавой кожнага маецца німб. На німбе Ісуса Хрыста адлюстраваны прамяні. На заднім плане - калонны шэраг з арачнымі перакрыццямі, на двух галоўных ветразях намаляваны чатырохкрылыя херувімы (некананічны малюнак). Каля правай рукі Ісуса Хрыста маецца скразная адтуліна (дыяметр 0,8 см). Зверху ў ікону убіты металічны крук, загнуты ў выглядзе завесы. З адваротнага боку па баках маюцца пазы для папярочных шпонак - мацаванняў (шпонкі адсутнічаюць), зверху пасярэдзіне убіты цвік.