Тэадаліт “G. Gerlach”

Тэадаліт вытворчасці варшаўскай фабрыкі геадэзічных і чарцёжных інструментаў Г. Герлаха (серыйны нумар 32646). Уяўляе сабой пераносную геадэзічную прыладу для вымярэння гарызантальных і вертыкальных вуглоў пры тапаграфічных здымках, геадэзічных, будаўнічых і маркшэйдэрскіх работах. Асноўнай рабочай часткай тэадаліту выступаюць гарызантальны і вертыкальны кругі з адліковымі прыстасаваннямі. У 1852 годзе нямецкі інжынер Густаў Герлах стварыў у Варшаве прадпрыемства, якое да канца 1930-х гадоў пад маркай “G. Gerlach” выпускала разнастайныя геадэзічныя, аптычныя і чарцёжныя прылады. Дадзены тэадаліт у 1920 – 1930-х гадах выкарыстоўваўся на тэрыторыі Дзісенскага павета пры землеўпарадкавальных работах.