Ваза

Ваза дэкаратыўная, зборная. Складзена з трох частак: ножкі ў форме звана, тулава ў форме бочачкі, шырокага горла з раструбам, краі борта адагнуты. Усе часткі замацаваны (нанізаны) на металічным дроце - стрыжні і мацуюцца на невысокім квадратным пастаменце. Зверху фіксуюцца гайкай. Паверхня вазы гладкая, пакрыта сінім кобальтам. Абводка і арнаментальны роспіс золатам. Па тулаву (пасярэдзіне) у паласе - кругавы роспіс грызаллю па матывах антычных сюжэтаў. Над паласой - арнамент з раслінных элементаў. Такі ж арнамент прысутнічае на ножцы. На горле ў рамках авоіднай формы дзве мініяцюры, выкананыя грызаллю, на антычную тэматыку. Горла, краі борта і ножкі дэкарыраваны арнаментам.

Пастамент - 4,5 см; d - 46,5 см (гарлавіны)